Upplýsingamiðstöð ferðamála á Akureyri er starfrækt í Menningarhúsinu Hofi við Strandgötu 12. Hún er staðsett á 1. hæð hússins og er opin allt árið um kring.
Starfsmenn Upplýsingamiðstöðvarinnar veita alhliða upplýsingar um þjónustu og afþreyingu á svæðinu svo sem: gistimöguleika, veitingastaði, veður, færð á vegum, áætlunarferðir, skipulagðar ferðir og margt fleira á Norðurlandi og víðar um land. Þar er einnig hægt að nálgast upplýsingabæklinga, bóka gistingu og kaupa ferðir, ferðakort, göngukort, póstkort, frímerki og fleira. Í Upplýsingamiðstöðinni eru nettengdar tölvur og símar sem hægt er að fá aðgang að gegn vægu gjaldi.
Þeir sem standa að rekstri Upplýsingamiðstöðvarinnar eru: Akureyrarstofa fyrir hönd Akureyrarbæjar, Samgönguráðuneytið og Ferðamálaráð.
Nánari upplýsingar er að finna á slóðunum http://www.nordurland.is/ og http://www.visitakureyri.is/.
Upplýsingamiðstöð ferðamála
Menningarhúsið Hof, Strandgötu 12
600 Akureyri
Sími: 450-1050
Netfang: info@visitakureyri.is
