Sjónlistin mun skipa mikilvægan sess í vetrardagskrá Hofs 2011-2012. Á meðal sýninga eru:
Hangandi skúlptúrar í skóstærð
26. ágúst- 19. október
Myndlistarfélagið opnar sýningu á Akureyrarvöku, föstudaginn 26. ágúst og kynnir starfsemi sína með hangandi skúlptúrum
í skóstærð.
Myndlistarfélagið var stofnað í janúar 2008 og er eitt aðildarfélaga Sambands íslenskra myndlistarmanna. Í því eru nú
rúmlega 100 myndlistarmenn, flestir búsettir á Akureyri eða Norðurlandi en félagið er opið öllum myndlistarmönnum.
Okkar sýn
27. ágúst - 10. september
ÁLFkonur (ÁhugaLjósmyndaraFélag fyrir konur) er félagsskapur kvenna á Eyjafjarðarsvæðinu sem hafa ljósmyndum að
áhugamáli standa fyrir ljósmyndasýningu sunnan megin við Hof (utanhúss).
Það sem einkennir konurnar er einlægur áhugi þeirra á ljósmyndun og löngun til að fræðast og betrumbæta færni sína
og tækni. Þær hafa hist reglulega til að ræða málin auk þess að fara saman í styttri og lengri ljósmyndaferðir.
Þetta er fjórða samsýning ÁLFkvenna.
Tveir heimar
Sýningaropnun 22. október
Málverkasýning í minningu Óla G. Jóhannssonar listmálara sem lést þann 20. janúar 2011. Velgengni Óla var ævintýri
líkust en hann hélt sína fyrstu sýningu árið 1973. Hann sýndi verk sín víða um heim á vegum Opera Gallery, m.a. í New
York, London, Mónakó, Singapúr og Dúbaí.
Jónas Viðar afmælissýning
Í tilefni 50 ára afmælis listamannsins verður sýning á nýjum verkum hans úr myndaröðinni Portrait of Iceland/Andlit Íslands.
Opnun sýningarinnar verður vorið 2012.
Samsýning systra
Systurnar Margrét, Þórdís og María Jónsdætur sýna leirlist, útsaum og málverk en þetta er í fyrsta sinn sem
þær sýna saman. Þær eru fæddar og uppaldar á Akureyri.
VÍS er stoltur bakhjarl Menningarhússins Hofs.
