Menningarhúsið Hof

Menningarhúsið Hof þakkar öllum þeim gestum sem komu í skoðunarferðir um Hof um verslunarmannahelgina kærlega fyrir komuna.

Farið var um alla króka og kima hússins og sagan og starfsemin rakin í stuttu máli. Tveir heppnir gestir, Sigurveig Sigurðardóttir og Jón Eiríksson fengu glaðning frá Hofi, gjafbréf sem hægt er að nýta á viðburði hússins, á veitingastaðnum eða í versluninni.

Næsta opna hús verður sunnudaginn 28. ágúst nk. á Akureyrarvöku þegar haldið verður upp á ársafmæli Hofs.