Metaðsókn var á hinn víðfræga söngleik Rocky Horror hjá Leikfélagi Akureyrar nú í haust. Um 12 þúsund gestir sóttu sýninguna á tveimur mánuðum en sýningar fóru fram í Menningarhúsinu Hofi.
Vegna fjölda áskorana hefur verið ákveðið að sýna nokkrar aukasýningar á Rocky Horror, og verður fyrsta sýningin föstudaginn 11. febrúar kl. 20:00. Sýningafjöldi verður takmarkaður.
Fjöldi glæsilegra listamanna koma fram í sýningunni, sem er hin magnaðasta í alla staði. Má þar nefna Magnús Jónsson sem Frank N Furter, Andreu Gylfadóttur sem Columbiu, Bryndísi Ásmundsdóttur sem Magentu, Eyþór Inga Gunnlaugsson sem fer á kostum sem Riff Raff og Matta Matt (í Pöpunum og Dúndurfréttum) sem Eddie.
Lögin úr sýningunni hafa verið gefin út á geisladiski og fást í öllum helstu plötu-, bóka- og matvöruverslunum.
Hægt er að kaupa miða hér.
