Margrét Blöndal og Felix Bergsson umsjónarmenn þáttarins bjóða til sín góðum gestum. Tónlist, leikrit, leiknar auglýsingar, heimilisleg húsráð og óvæntar uppákomur eru á meðal dagskrárliða í þættinum og hljómsveit Hjörleifs Arnar Jónssonar verður að sjálfsögðu á sínum stað.
Aðalgestir þáttarins að þessu sinni verða Andrea Gylfadóttir og Valdimar Guðmundsson.
Áhorfendur eru velkomnir í salinn til að taka þátt í gleðinni. Allir velkomnir og enginn aðgangseyrir.
